پنجشنبه 1388/04/04
آشیق قافار ابراهیمی
مدنیتیمیزه باغلیلیغیندان ایره لی گلیر.
اؤز خلف اوستادلارینین یولونو داوام ائتدیره ن آشیق قافار ابراهیمی ،تکجه ساز چالیب
اوخوماقدا دئییل ،بلکه اؤز دویغولارینی یئری گلدیکده کاغاذ اوزه رینه دوزمکده قابلیت
کؤسترمکده دیر.
آشیق قافارین دئییشمه سی ، شاعیر محرم خوشنام ایله
اولدوغو کیمی بیزده بیر نمونه گتیرمه یی ضروری گؤروب وتقدیم ائدیریک:
شاعیر خوشنام :
چوخداندیراوزادیب ایسته ک الینی
کدرلی الیمی سیخمیرسان نیه ؟
سبه بینی سؤیله،آچیق ،آشکارا!
آزقالیراوره ییم سنده ن، اینجیه
آشیق قافارین جاوابی:
کدرله دانیشیب،خطریمه دئیمه
دوست دوستلا،کدرلی دانیشار نیه!
چتین دیر بیر دوستون اله گلمه یی
محبت،ایپینه،سن وورما، تیه!
شاعیر خوشنام
:سبب سیز دوستونو، یادا،ساتمیسان؟
یادیندان چیخاردیب گؤزدن آتمیسان؟
نه اوچون؟دوست دئییب ال اوزاتمیسان؟
الیمی سیخمیرسان دوست دئیه،دئیه؟
آشیق قافار:
اورکده دوستلارا واردیر محبت
کدرآغاجین،یاردیر ،محبت
سئوینج ایستیینه یاردیر محبت
عبس یئره ،گل دانیشما ،نیسیه
شاعیر خوشنام:
مندن یان گزیرسن،ناسیل آ،یولداش
محبت یولونو قویما ،توتسون داش
گئچن گونلریمی دئییره م کی،کاش
بیرگه،یاشایایدیق،بیرگه،اؤلکه یه
آشیق قافار:
دئه،ندن؟بیلیرسن آرالییام من
مگر،من نه چیـیم،هارالییام من
زامانین الیندن ،یارالییام من
لقمان ایستر،درمان ائده خستیه
شاعیرخوشنام:
آمما،سن،بیرکره بوراخدین منی
دؤلدوردون گؤزومه دومانی چنی
سالیرسان ساچیما،کدرده ن،دنی
دئه گؤروم دوستونو ساتدین نئچییه؟
آشیق قافار:
دوستدان اوز دؤندرمک یاراماز منه
امتحانا چکیب سونرادان ،قینه
دوستلاریمین یاشی کاش چاتا مینه
دوشمانلارین اولا ،چارگی سیه
شاعیرخوشنام:
سن منی ان یاخشی باشا ،دوشوردون
کوهنه یارامی دا،کیزلی ،دئشیردین
محبتی آرامــــــــــــیزدا پیشیردین
نه اوچون؟ ده یشدین پیشمیشی چیه ؟
آشیق قافار:
ایللر ،زحمت چکیب آد آلمیشام من
قوهوملاری ساتیب یاد،آلمیشام من
قیزغین،محبتدن،داد آلمیشام،من
چتین دیر دوست دوستون اوزکه یه قییه
شاعیر خوشنام:
یالدیز ائله،اوز الینله کؤنلومه
یا گتیر ،قوی کؤز الینله کؤنلومه
سئویل مه یی دوز الینله کؤنلومه
گل،ناقد ائله،قویما ایشی،نیسیه
آشیق قافار:
یاندیریب ،قلبیمی،کؤز،ائلییب سن
دیلن له دئمه ییب،گؤز ائلییب سن
سئویب سئویلمه گی،یوز ائلییب سن
اینسان اؤدور،سؤزون دئییه ،سوسمییه
شاعیرخوشنام:
دوشه میشم ماتاهیمی،بو یئرده
گیزله میشم اؤز،آهیمی بو یئرده
آشیق قافار،گوناهیمی بو یئرده
آشکار سؤیله خوشنام کیمی کیشییه
آشیق قافار:
قافارین اوره یین گتیرمه درده
گیزلی سؤزون سؤیله هئچ چکمه پرده
خوشنام دوستوم خطا اؤلسا بشرده
حققه اوز دونده ریب مطلب ایستییه
البته حؤرمتلی آشیق قافار ابراهیمی نین بو کیتابی یئنی چاپ اولوب وکیتابین آدی
یئنی دئییشمه لر دیرکی.گونش ایلی نین 1386نجی سینده تبریزین آشینا انتشاراتیندا
چاپ اولوب و273 صفحه دیر
ساغ یاشایین
