پنجشنبه 1388/03/21
دئییشمه (اولدوز) و تیلیم خانلی
بیریسی ایدی.
دوکتور فیض اللهی،اورتا مکتبی (نجات)دبیرستانینداقورتاردیقیدان سونرا افسر(ظابط ،سوبای)
اولماقچین حرب اونیورسیته سینه گئنمیش وبیر موددت سونرااوردونون(رکندوم)آدلی اصول
اداره سی(ضداطلاعاتی) طرفیندن آنا دیلین قؤروماق مقصدیله جلاد شاها قارشی چیخدیغینا
گوره توتولوب واون ایل حبسه معروض قالدی. هله دوستاقین وجزاائوی نین 7ایلین قورتارما
میشدی کی انقلابی باش وئرمیش واؤزینداندان بوراخیلمیشدی.
دوکتورفیض اللهی، زینداندان چیخدیقدان سونراادبی فعالیته اوزگتیرمیش وتورک ادبییانیندا
یوزه یاخین،شعر،حکایه،مجلله،روزنامه،کیتاب،یازیب نشرائتمیشدیر.اؤ ایندی قؤنشو اؤلکه
لرده ده تانینمیش آذربایجان شاعرویازیچیلاریندان بیری دیر.
دوکتور فیض اللهی،نئچه ایل کؤراوغلوودده قورقود مجلله لرین نشر ائتمیش وایندیده اونلار
ادبی-تاریخی کیتاب چاپا حاضیرلامیشدیر.
دوکتورفیض اللهی،30دکابر1992-نجی ایلده آذربایجان میللی یارادیجیلیق آکادمییاسینین،
فخری دوکتوری سئچیلمیش دیر،اؤ تاریخ رشته سینده لیسانس مدرکینه ده صاحب دیر
هابئله اؤ،موددتلر مرندین رازی خسته خاناسینین واونلارا تابع اولان درمانگاهلارینین
(تا جلفا شهرینه قدر)رئیسی ایدی وشهریمیزین مختلف خسته خانالاریندادا چالیشمیشدیر
دوکتور فیض اللهی،دواملی وآردیجیل ادبی - تاریخی فعالییتی،معاصر تورک ادبییاتیمیزین
انکیشافیندا چوخلاری طرفیندن آلقیش لانمیشدی.
بوسایین شاعیریمیز حمید تیلیم خانی ایله بیر دئییشمه وارلاری کی آشاغیدا اؤخویا جاک سیز
وبو شئعرلرده (یاربیزه قوناق گله جاق) کیتابیندا دوکتور فیض اللهی جینابلاری یازیب
زحمت ائیله بیری تورک شاعیرلریمیزین آدین خبرآلیر؟ وبیری ده جاواب وئریر :خبرآلان:حمید تیلیم خانلی
جاواب وئرن: حسین اولدوز
اؤ هانسی شاعیردی تبریزده یاتیب ؟
قؤهوم قبیله سین اونودوب آتیب
اورک دوبونتو سی گؤیلره چاتیب
اؤآدلیم شاعیرین آدینی سؤیــــله ؟
........
شابرانین واربیر قارانلیق زیندان
خاقانی ائل دییه ایله دی فیغــــان
اورک دؤبونتو سویاراتدی دیوان
عؤمرونون گونشی تبریزده باتدی
..........
اؤهانسی شاعیردی آدین اوجاتدی
کیمین فرمانیله ئؤزدیلین آتــــدی
شئعیردن بیر گوزل هیکل یاراتدی
اؤاوستاد شاعیرین آدینی سؤیلــــه؟
.........
هونر دونیاسینی فتح ائدن سولطان
نیظامی آدینا آچیلــــــــدی دوران
تاسسوف اولسون کی شیروان شاهلاردان
چاتدیقدا بیر فرمان دیلینی آتــــدی
.........
اؤهانسی شاعیردی دئدی انالحق
قانیندان ایندیده قیزاریر شفــــق
جانیندا واریکن نه قدر رمــــــق
دؤیوشن عاریفین آدینی سؤیلــــه؟
..........
عاشیقه آلیشیب یانماقدیر علاج
عاشیقده اوتوزار اولسادا لیلاج
اناالحق چاغیردی دؤیوشن حلاج
دارین ذیروه سینده عشقینه چاتدی
.......
اؤهانسی شاعیردی دایم بلادا
قازیلیب مزاری اؤکربـــــلادا
بیرخوش گون گؤرمه دی یازیق دونیادا
اؤفاضل شاعیرین آدینی سؤیله؟
........
جهالت اؤردوسوسالاندا قــــادا
بساط سلطنت اؤودایانســــادا
فضولی گؤرمه دی خوش گون دونیادا
آنا دیل باغیندا چیچک یاراتدی
.........
اؤهانسی شاعیردیر سؤی دولار اؤنی
یئرگی دی قانیندان قیرمیزی دونــــی
نه ائتدی چاتاندا عؤمرونون سونــــی
حروفی شاعیرین آدینی سؤیــــــــــله؟
........
خییالیم ائدنده حلبـــــــــــه ســــــــــــفر
میداندا سویولور گؤردو بیر نفــــــــــــر
(نسیمی) کولومسک،منصور مظفــــــــر
زاهدلـــر جامینا آغی لار قــــــــانـــــدی
........
اؤهانسی شاعیردی (چرده ک)یاراتدی
چکیب باغیرساقین ائشیکه آتــــــدی
شیکنجه لر گؤروب آل قانا باتـــــدی
اؤ مباریز شاعیرین آدینی سؤیـــــــله؟
...........
ائللرین یؤلــــــــوندا چیرپینان اورک
آغیر شیکنجه یه دوزوملـــو گـــــرک
(اؤختای)قلمی دیر یاراتدی چرده ک
اینسانلار عشقیله آل قانا باتــــــــــدی
.........
اؤهانسی شاعیرد ی آیریلدی بیــــزدن
اوجادی،دریندی داغدان دنیــــــــزدن
آلدی ایلهامینی (سهند)یمیــــــــز دن
اؤ بؤیوک شاعیرین آدینی سؤیلــــه ؟
...........
میصری چالاندا آتامین ســـــــــــــازی
(سازیمین سؤزونه)دوشـــــــــر آوازی
(بولوت)شهرییاراآچانــدا ســــــــازی
شهریار شئعریندن سهند یاراتـــــــــدی
...........
اؤدیل هانسی دیلدی کیم اؤنی دانیــــــر
اؤدیلده یازیلان کیتابلار یـــــــــــانیــــر
سمندر قوشو تک یانیر-یارانیــــــــــــر
اؤقدرتلی دیلین آدینی سؤیلــــــــــــــــــه؟
..............
آنامیز دیلی دیر اولوبدور یاســــــــــــــاق
کیتابی اؤدلانیب قالاق بــــــــا قــــــالا ق
شاهــــــــــــلار رژیمیندن ایتقـــــــام آلاق
یازیب یــــــاراتماقا فورصتلر چاتـــــدی
............
مدینـــــــه قؤولدی مدینه سینـــــــــــــدن
وطن ایچین گئچدی اؤ سینه سینــــــــدن
قان قوسدوردو دوشمانا کینه سینـــــــدن
اؤ قادین شاعیرین آدینی سؤیلــــــــــــه؟
.............
شفق قیزاریری چیخاجاق آق گـــــــــون
چوخلاری اولوبدور وطندن سورگـــون
بیری( مدینه) دیر شؤهرتی گلگـــــــــــون
گئجه لـــــــــر وطن عشقیلـــــه یاتـــــدی
..............
اوز- اوزه دایانسین قبیر داشیمیــــــــــــــز
یا بیر اولسون یا کسیلسین باشیمــــــــــــــز
حسرت دیر قارداشا قان قارداشیمیــــــــــــز
وصال سیز شاعیرین آدینی سؤیلـــــــــــــه؟
............
شؤهرتی رستم دیر آدی سولیمـــــــــــــــــان
جنوب حسرتیدن اوره ک دولو قــــــــــــــــان
وصال دیردردینه ائنسه لر درمـــــــــــــــــــان
دیلک لــــر قوشونا شئعری قاناتــــــــــــــــدی
...........
شیشه دن سنگــــــــردی اونون شهـــــــــــــری
پری لر شاعیری گوللر بئجــــــــــــــــــــــری
اونا جلاد محمد خـــــــــــــــان قجـــــــــــــــری
اؤشهید شاعیرین آدینی سؤیلـــــــــــــــــــــــه؟
...........
ایشغالچی قووه لر ائدنده آخـــــــــــــــــــین
چالین طبل جنگی بایراقلار آچـــــــــــین
(واقیف)تک شئعریدن سنگر یارادیــــــن
دوشمانلار بو سلاح قارشیندا ماتـــــــــدی
..............
آدیم (تیلیم خانلی)تورکو دیر دیلیــــــــم
بوتون شرقه ، غربه داغیلیب ائلیـــــــم
بیر تیلیم خان دا وارده گی نن بیلیـــــــم
اؤاولان شهرین ده آدینی سؤیلـــــــــــــه؟
...........
آنا دیل عشقینده (اولدوز)تک یاندیـــــــــم
آغیر شیکنجه ده ائله ایناندیـــــــــــــــــــم
گئدیب (ساوا)شهرین گزیب دولاندیــــــــم
تیلیم خانی گؤردوم دوست دوستا چاتـــــدی
سؤن
