شنبه 1388/06/21
وطنیم .یاشیل
کؤموریانــــــار،کؤز آغلار
دیل دانیشار،سوزآغـــــــلار
دوست،دوستون گورمه ینده
اوره ک یانـــــار،گؤزآغلار
.................
قارداشلاریم وباجیلاریم اروج نامازییزبویوک
آللاهین درگاهیندا قبول اولسون اینشااللاه!
..............
آشیق گوردوگون دانیشار!
ائلیمیزین حؤرمتلی شاعیری یاشیل بئی!
یازان(خزانسیز باهار)کیتابیندا گوروب و
اوخودوقوم شعری،بوتون ائل سئون لره
تقد یم ائیله ییرم.
( وطـــنیم)
ایفتیخاردیر گلیب سنی یــــــؤخلاماق
بیرده یاتیب،قــــــوجاغیندا یوخلاماق
بابک کیمی،تــــورپاغینی ساخلاماق
داغی –داشی گول-گولوستان وطنیم
...
سوزلریمده،ســـــــــندن ایلهام آلارام
گاه یازارام،گاه فیکرینـــــــه دالارام
ایگیتلرین،بیر-بیریـــادا،ســـــالا رام
عالملری ائــــــدن حئیــــــران وطنیم
....
ذیروه لرین گونو- گوندن اوجـالسین
بالالارین اوز قؤینوندا قـــــوجالسین
تاریخ بؤیونامــردلردن باج آلسیــــن
آی دیللرده اولان عـــونوان وطـــنیم
....
اوزاق یولدان حسرت ایله بـــاخارام
خیالیمدا گـــؤیلرینــــــده آخـــــــارام
توپراغیندان گؤزلریمــــــه یاخـارام
آتا یوردوم، آی مهــــربان وطـــنیم
......
تورپاغیندان بیرجه اؤووج گوتوررم
تربت کیمی اوزوم ایله گتیــــــــررم
حســـــرتینی چـــکنلره یئتیــــــــررم
ای تورپاغی درده درمــــــان وطنیم
........
دونیاوارکن سنین باشین ساغ اولسون
دؤوردبیر یانین چیچکلنسین باغ اولسون
ائللری نین گوروم اوزو آغ اولســـون
یولوندا بو جانیـــــم قــــــوربان وطنیم
........
گوزل آدین تاریخلرده قالاجــــاق
کؤنوللرده هرزامان یئرسالاجــاق
بولاغلارین جوشوب- داشیب دولاجاق
اؤدلاریوردو(آذربایجان) وطنیم
................................................
هامی دوستلار ساغ اولا.
جمعه 1388/06/20
شاه اسماعیل خطائی
فــــــــــــزت و رب الــــــــــــــــــــــــــکعبـــــــــــــــــه
جانیم سنه قوربان دیر یاعلی.ع.
بوگون مولا علی.ع.مرد دیزینین قواتی،نامرد گؤزونون خنجری
نین اؤلوم گونودور، بوتون موسلمانلاروشیعه لره تسلیت عرض
ائیله ییرم .بیرشعر شاه خطایی دان تقدیم ائیله ییرم هامی علی .ع
سئور وطنداشلاریمین ساغلیغی نا .
ای ایککی عالم پناهی شاه وســـــرور یــا علی
صاحب فضل وکرامت شـــیر- حـــــیدر یاعلی
گلدی دستین شــــــــانینه اسم یــدالله بی گمــــان
اولدی ذات بیمثالین حــــــــقه مظهر یـــا علـــی
روز – هیجا ساعدون برفرق اعــدا بس دورور
قبضینه حاجت دگول شمشیروخنـــــــجر یاعلی
ای شجاعت معدنی سن خشم ایله حوکم ائیله سن
کن فکان،بیرآلما دور دستینده یکسر یـــــــاعلی
فضل احسان ومروت هـــــم سخاوت کانی سن
لوطفونه خاک ایله جوهــــــــردوربرابر یــاعلی
اؤل علی،سن کیم سنین شــانینه گلدی،هلی اتی
وصفون اولدی معنی قــــورآن سراسر یا علی
سندن اؤزگه گلمدی ار،قیلیجیندان اؤزگــه تیغ
بوسوزاوصافونده حـــــــقدندیرمقرر یا علـــــی
کیم قالور روزقیامت،هؤل _ محشرده سوسوز
اؤندا سن سن ساقی – ابـــــرار وکؤثریاعلـــی
سن سن اؤل،صفدرکی دست – معجزاتینی گؤروب
حکمونه رام اولدی شام وروم وبر بـــر یا علی
اؤل علی سن کیم ،شهادت بارماقین قللاب ائدیب
قؤپدی یئردن قدرتیلن، باب – خیبر یــــــاعــلی
اؤل کرامت کانی سان کیم ،حق تعالی دن سـنه
شرق وغرب وعرش وکرس اولدی مسخر یاعلی
اوچ یوز ایلدن سونرا،سلمان آلدی سندن امتحان
وئردین اونون دستینه گول تازه وتـــــــــر یاعلی
صدر- دیوان – ازل سن پیشوای اؤلیــــــــــاء
قطب دین وقبله ومحراب ومنبــــــــر یا علی
لحمک لحمی،رموزی نین بیـــــانی سنده دیر
همدم وهم سرروهمراز – پیمبـــــــر یا علی
بوخطایی خسته یه هـــمراه قیل سن هممتون
کیم سنه صدق ایلن اولدی بنده چاکر یا علی
پنجشنبه 1388/06/19
شاه اسماعیل خطایی .
یـــــــــــــــــــــا عـــــــــــــــــــــلی .علیه السلام مــــــــــد د
لیلـة القدرگئجه سی اولو تانری دان بوتون وطنداشلاریمیزه
اوزون عؤمور،جان ساغلیغی،وتوفیق لر آرزیلاییرام .
شاه اسماعیل خطایی نین غزللریندن مولا علی .ع.وصفینده!
یئرده –گؤیده حیدر- کرار سن سن یا علی .ع.
روز – محشرساغی ابرار سن سن یا علی .ع.
خمسة الاسماء اؤخورلارآدینی،یا بوالحســــــن
ابن – عم احمد – مختارسن سن یا علی .ع.
عنترین باشین کسه ن،خیبرقاپوسین قوپاران
جنگ ایچینده،قاتل - کفارسن سن یاعلی .ع.
عفریتین بندینی آلدین،اوچ یوز ایلدن سونراسن
دشت – ارژن ده کئچن کرارسن سن یاعلی.ع.
اول ؤآخیرده سن سن،ظاهرؤباطنده سن سن
عقل کامل،دانشی بسیار سن سن یاعلــــی .ع .
اول ؤآخیرده اسلام دینینی فاش ائیله دیــــن
دیللره،کؤنوللره اقرارسن سن یاعلــــــی .ع.
آدم هنوزماءوطیندن خلق اولونمامیش ایکن
بوجهان اهلی یوخ ایکن وارسن سن یاعلی .ع.
انبیاءلرمحرمی، سن اولیالر مهتــــــــــــــری
غازی لرین سروری سردارسن سن یاعلی .ع.
لافتی الا علی شانینده اولموشدور نـــــزول
ضرب ایچینده سکه دینارسن سن یاعلی .ع.
چیخدی معراجه محمد.ص.قیلدی دوقسان مین کلام
سرَ حق،هم محرم _ اسرار سن سن یاعلی .ع.
بوخطایی خسته نون سن سن مورادؤمقصودی
هاندا باخسام گؤرونن دیدارسن سن یاعلی .ع.
دوشنبه 1388/06/16
شاعیر نسیم بئی
آشاقیدا یازیلان: قوم ساوانین حؤرمتلی شاعیری علی ایسلامی (نسیم)
جنابلاریندان بیر شئعردیرساوالی دده تیلیم خان وصفینده!
آرازین چاییندان سوت گؤلو داشسین
ساوادا بوغدالار تئـــزسونبول آچسین
مرغئی ده گول اوسته بولبول آشسین
تیلیم خان باغیندا بولبول دیل آچسین
حکیم تیلیم مولاناینان بیر ســـــا لار
کؤثرین حـــــوضوندا قاپوچی قالار
سعدی ایله ،حافـــــظ دن ده باج آلار
بهشت ایچره دؤورد شقایق گول آچسین
آرازین چاییندان سوت گؤلو آشسین
ساوادا بوغدالار تئز سونبول آچسین
مرغئی ده گول اوسته بولبول آشسین
تیلیم خان باغیندا بولبول دیل آچسین
روده کی یه بیزچؤخ حؤرمت ائیله ریک
عارفلره ده رحمت لیک سؤیله ریک
عالیم ســــیز بیزبودونیانی نیله ریک
قارداشی گورنده قارداش قول آشسین
آرازین چاییندان سوت گؤلوداشسین
ساوادا بــوغدالارتئزسونبول آچسین
مرغئی ده گول اوسته بولبول آشسین
تیلیم خان باغیندا بولبول دیل آچسین
بیز بؤینوموز حق یانیندا ائییریک
سوزله ریمیز یارادانــــا دئییریک
فارسجامیزین غملریــنی یئییریک
یالان سوز دئمییریک دیله دیل آشسین
آرازین چاییندان سوت گؤلو داشسین
ساوادا بوغدالار تئزسونبول آچسین
مرغئی ده گول اوسته بولبول آشسین
تیلیم خان باغیندا بولبول دیل آچسین
نسیم!آنامیزدیـــــــربیل گوزل ایران
شهریاردان اؤتری روحومیزحیران
تانری سی ایله سین یئرینی رضوان
سهندینن ،ســــاوالاندان سئل آشسین
آرازین چاییندان سوت گؤلوداشسین
ساوادا بـــوغدالارتئزسونبول آچسین
مرغئی ده گول اوسته بولبول آشسین
تیلیم خان باغیندا بولبول دیل آچسین
بویوک آللاه دان نسیم بئی وبوتون شاعیرلریمیز،
عالیملریمیز،ویازیچیلاریمیزه اوزون عؤمور وجان
ساغلیغی دیله ییرم
حیران
یکشنبه 1388/06/15
حضرت امام حسنین دوغوم گونو
یاایمام حسن .علیه السلام
بوگون اروجلوق آیی نین۱۵ نجی گـــــــــونودور، حضرت – ایمام
حسن علیه السلامین دونیایه گلمه گونــــودورکی ،سراسر دونیا
وحضرت علی .ع.وزهرا .س. ائـــــوین نورایله ایشیقلانــــــدیردی
بو عزیز وبویوک گونه خاطرآشاقیدا گلن شعرلرکی حجت الاسلام و
المسلمین سید بشیر حسینی آی دوغموش ماهنامه سی نین سردبیری
سروده سی دیرحؤرمتلی وطنداشلاریما تقدیم ایله ییرم وبودوغوم گـــــــونو دونیانین بوتون
موسلمانلارینا قوتلو اولسون .
دئیین زیب – چمن کیمدیر؟ حسن دیر
گل – باغ عــــــدن کیمدیر؟ حسن دیر
بیزه عزت وئرن کیمدیر ؟ حسن دیر
علی اوغلی حسن کیمدیر ؟ حسن دیر
قدم قویدویئــــــــره دلبند حیـــــــــــدر
سئویندی قلبی دن زهرای اطهــــــــر
آلوب آغوشینه جـــدی پیمبــــــــــــــر
آدین قویدی،دوداقین اؤپدی پــــی در
جمالی گـــون ، جبینـــــی ماه – انور
ایشیقلاندیردی دونیانی ســـــــراسر
اؤشمع – انجمن کیمدیر؟ حسن دیر
گورن سوئیلردی چؤخ جمالی گؤیچک
گوزللیک عالمینده تکدی بو تک
داهاگلمز بئله زیبـــــاحسن تک
چو مرآت رسول اللهدی بی شک
بودوربو حجت حــیَ تبــــــارک
دئیین عشق ایله میلادی مبارک
ولی ذوالمنن کیمدیر ؟حسن دیر
گلن صدقیله بزم یاره گئتــــمز
بویئردن محفل اغیاره گئــتمز
حسن دن آلمیونجاق چاره گئتمز
قیامت ده جحیم و ناره گئتمز
بونو بولبول بیله گولزاره گئتمز
گله یوسف ده بو بازاره گئتمز
شه وجه الحسن کیمدیر؟ حسن دیر
سپیر گول سسله نیر حوروفرشته
که احسن دلبر نیکو سرشتــــــــه
دگر غونچه دوداقی مین بهشتـــه
اولار عمرینده راضی سرنوشته
آخارقلبینده کی القانی طشتـــــه
یانارعالم بئل بیرسرگذشتـــــــه
اؤمظلوم وطن کیمدیر؟ حسن دیر
حسندیریثربین رعنا غــــزالی
بونی صیاد ائدر دیلدن یارالی
باشاگلمز غم ودرد و ملالـــی
وئررزهراؤزائوینده اؤزعیالی
اولارگول جسمی نیلوفر مثالی
حسینی آغلادار نیسگیللی حالی
اؤزهریلن ئؤلن کیمدیر؟حسن دیر
حسن جان دردیمیز واردیردواوئر
مریض وهم مریضه وار شفا وئر
بیزه حال مناجات و دعا وئــــر
توجه قیل قلوبه سن جلا وئــــر
عیونه نور عشقونله ضیا وئــر
بشیره دعوت – کرب وبلا وئر
امام ممتحن کیمدیر؟ حسن دیر
شنبه 1388/06/14
شاه اسماعیل خطائی (2)
شاه اسماعیل (خطائی)وساز شاعرلری
خطائینین صنعتکارلارابویوک حؤرمتی اولوب واونلاری دولتین یوخاری
مقاملارینا گوتوروردو.شبهه سیز شاعیرلرین اؤزلری اوچون یئری،حؤرمتی
وارایدی.حبیبی،کیمی شاعره ملک الشعرا عنوانی وئردی وبویوک- بویوک
عالیملروشاعرلرله یاخیندان علاقه یارادیردی.
سازشعرلری ایسه اونون یانیندا خصوصی حؤرمتلری وارایدی.چؤخ واقت
اونلارین یاریش ودئییشمه مجلیسلرینده اشتراک ائدردی وهربیرینه آیری –آیری
دقت یئتیرردی وباشقالاریناوئرمه دیگی خلعت واحساندان بونلارا بول – بول
وئرردی ومختلف دورومدا،ساواش دؤورونده قوشوندا یوکسک روحی گوج
یاراتماق اوچون اونلاردان فایدالانیردی.
بوشاعرلردن داها مشهورو عاشیق قوربانی دیرکی،سازشاعرلری نین باش
عاشیقی وشاعیری کیمی تانینان قوربانی شاهدان یاردیم ایسته دیگی شعری
نین بیر بؤلومونده بئله دئییر:
من حق عاشیقی یم حـــق یولا ماییل
کتابیم قــورآن دیــــراولموشام قائیل
موریدیم،مورشیدیم ای شاه اسماعیل
دردیمین الیندن فریادا گلــــــــــدیم
و..........
خطائی نین تاثیر آلدیغی وتاثیرائتدیگی شاعرلر
خطائی شبهه سیز کی،اوزوندن قاباقکی حافظ،خاقانی،نیظامی،نسیمی ونوائی
کیمی شاعرلرین شعرلرینی اوخوموش وداها چؤخ نوائی وحبیبیونسیمی یه
باغلانمیشدیر.بوکیمی شاعرلر خطائی یه تاثیر بوراخسادا آمما حروفی مکتب
ینده اولان نسیمی نین تاثیری داها چؤخ اولموشدور.
1509-دابغدادی فتح ائدن خطائی اورادا یاشایان موللا محمد فضولی ایله ده
گوروشموشدور.فضولی ایسه اونا هم بیرشاعرکیمی،همده حوکمدار کیمی چؤخ
ماراق گؤستردی.فضولی سونرالار یازدیغی(بنگ وباده) منظومه سینی خطائی
یه اتحاف ائتمیشدیر.اؤ(پادشاه بافرهنگ)باشلیقلی شعرینده بئله یازیر:
بوصراحی دن اولمایان خوشحال
درد نسبت اونا پامال
مجلس افروز بزمگاه خلیل
جم ایام شاه اسماعیل
اوندان آسوده دیر غنی وگدا
خللد الله ملکه ابدا
تاثیرائتدیگی شاعرلراصلینده داها چؤخ باشدا پیرسولطان،قول همت اولماقلا
آناطولی شاعرلری اولموشلار.شاه اسماعیل آناطولو علوی شاعرلرینه چؤخ
تاثیربوراخدی واونلارشاهاسماعیله بیرمورشدکیمی باخاراق اونون یولونو
ایزله دیلر.بوگون ادبیاتدا آناطولوخطائی لری آدلانمیش شاعرلربوتون خطائی
نین مکتبی آلتیندا بؤیوموشلروقوشماطرزینده شاه اسماعیله چؤخ نظیره لر
یازمیشلار.بونودا قیدائتمک لازیمدیرکی (صاحب السیف والقلم) آدلانان
شاعرین تاثیری آذربایجان دیلی وادبیاتیندا هم گئنیش هم ده دریندیر.
بوبیردرجه ده دیرکی،خطائی پوئزییاسی آذربایجان دیل وادبیات تاریخینده
بیرمرحله کیمی قیمتلندیریلیر.
بورادا خطائی نین بیر قوشمالاریندان:
تا(قالوابلی)- دن سئودیک،سئویشدیک
ازل بیزیم ایله یار دیر محبت
محبت ائیله ییب بیرلیگه یئتدیک
جسدین ایچینده بیر دیر محبت
..............
جان جانا محبت وئرسه ارکاندیر
زیرا محبتین آرزی سی جاندیر
قیرخلار مقامینا وارسا جواندیر
ریضانین یوردوندا بیردیر محبت
...........
محبت دیر یئرین ،گؤیون دیره گی
محبت ائده نین یانار چــــــــیراغی
عاشیقین بیت الله معشوق دوراغی
حق نظرائتدیگی یئردیر محبت
................
بیزیم یئرده باهاراولو ،قیش اولماز
اؤتر بولبوللاری دیللری دورمـــاز
قوخوسو کسیلمز،رنگی ده سولماز
نجف باغی گولعذار دیـــــرمحبت
..............
گل بری! گل بری!آمان ائدر سن
گلمه حقین دگیل ایمان ائدر سـن
سررین ترجومانا بیان ائدر سن
زیرا خلق ایچینده حق دیرمحبت
.................
محبت ائــــــدنلر قیسمتین آلیر
آر اییردرداهلین درمانین آلیر
سرچشمه محمدص.علی دن گلیر
توکنمزدالغاسی گولدیرمحبت
.................
محبت دیــــــــر لااله الا الله
محبت دیــــرمحمدرسول الله
محبت دیــــــر علی ولی الله
اوچوده معنادا بیردیرمحبت
................
آخارسولارکیمی،آخاسیم گلمز
یزیدین اوزونه باخاسیم گلمز
شهرینه گلینجه چیخاسیم گلمز
عجیبه بیر گیزلی سیردیرمحبت
............
حقیقت کیتابین اوخورجئبرییل
محبت لقماسین سونان میکاییل
جانی حقه تسلیم ائدن عزراییل
اسرافیل دیلینده صوردیرمحبت
............
خطائی بـــــــومقام اؤزگه مقامدیر
مقامین مهری اون ایککی ایمامدیر
شیخ صفی نین بویروغوندا تمامدیر
زیرا جان آرزی سی دیدار محبت
.........................................
آردی وار
شنبه 1388/06/14
علی ایسلامی (نسیم)
ساوا بولگه سینین ده یرلی شاعیری علی ایسلامی (نسیم)
(تانری سورقوسو)
محشرگونی حق یانیندا سورقــــــــــو وار
گؤی اوزونده گوزل بیر قوش قیرقی وار
تیلیمین ،حافیظین مگر فــــــــــــرقی وار؟
حافیظ قبری بیر گولستان اولـــــــــوبدور
تیلیمین مزاری پـــــــــــــؤزقون قالوبدور
......
سودایه آغلایان گــــــــــــــؤزلر سیلینمز
غصب اولونموش یئـــرده ناماز قیلینمز
ایسلام جمهورینده تبعیض اولـــــــونمز
تیلیمین مزاری بـــــرپا اولــــــــونسون
اؤگوزل مزاردا قــــــورآن اوخونسون
.......
شاه موسلم ده قارداش اولوب تبریــزه
یاخشیلیقلار گلیب بـیزه یـــــــوز یوزه
دوز عمل ده دوغرو اولار دوز سوزه
نسیم سوئیله وطنیمیز ســــاغ اولسون
ایرانین بایـــراقی لاله بــــاغ اولسون
پنجشنبه 1388/06/12
علی سلمانی ناصری
آذربایجانین ده یرلی شاعیری تبریزده اولان علی ناصری
تخلوص (ناصری)
بو حؤرمتلی شاعیریمیزین شئعرلری عشق گنجینه سی آدینا
بیرکیتاب دا چاپ اولوب .بیز نئچه شئعر بوکیتاب دان بوتون
دیلداشلاریمیزه تقدیم ائیله ییب وبو ساحه ده ناصری نین نائلیتین
بویوک آللاه دان دیله ییرم.
(شانه گرکدیر)
اؤل قاره تئلی ساخلاماقا شانــــــــــه گرکدیر
اؤل غنچــــــــــــه لبی اؤپمگه پیمانه گرکدیر
دیشلر ائله بیل اینجی دیر آغزیندا دوزولموش
دیل شهدسانا من کیمی حیرانــــــــــه گرکدیر
زنجیرکیمی بـــوینوما سال زولف – سیاهین
زنجیرده اولسون دل – دیوانــــــــه گرکدیر
گل ایله تصدق منی اؤل چشم – خومــاره
قــــــــوربان کسیلم نرگس مستانه گرکدیر
شمع رخـــــــــــوین آتشی ایلن یانیرام من
پروانه یانا آتش سوزانــــــــــــــه گرکدیر
سنسیز نئدیرم روضه رضوانی عزیزیم
کؤنلوم ائوینه سن کیمی همخانه گرکدیر
عشقین دنیزینده ال آیاغ چالمایان عاشق
مجنون اولار البته ،بیابـــــــــانه گرکدیر
بورسم دیر عالمده بوتون عشوه ساتانلار
رحم ایله میه سئوگیلی جانـــــانه گرکدیر
عشقین چاناقین سن جالاسان ای مه لیلیم
قلبیم شوشه سی دای دؤنه شان شانه گرکدیر
بیمارائدیبن جسمیمی اؤل نــــــرگس بیمار
روحیم آتی ایندی گله جـــــــــولانه گرکدیر
روحیم آتینا ووردی دمیردن بوخوواؤل یار
محبوس ائده امیدیمی افسانــــــــــه گرکدیر
سن ناصری قوی قارقالارآزاد قانات آچسین
بولبول دوشه هر عصرده زنــــدانه گرکدیر
...............
زیندان ایچینده زیندان
ای خدا بیمارعشقه دهــــرده درمان نــــــــــدیر؟
بیر بئله دردومشقت،بیربئله هیجران نـــــــــدیر؟
وصل یاری گؤزله ییرهرآن بوقان یاش گؤزلریم
قوی کؤراولسون عیبی یوخ،هیجرینده جسم وجان ندیر؟
باغلاییب میخانه نی زاهـــــدندن دیـــــــر بیلمیرم
نه سبب اولموش بــــوامره آنلامام عـــــنوان ندیر ؟
آچمیین زنجیری بــــوینومدان آیاغدان کونده می
لیک،آچین میخانه نی،بوندان بویوک احسان ندیر؟
زیندگانلیق بیربویوک زیندان دیراهل- دردایچون
بیلمیرم زیــندان ایچینده بیر بئله زیندان نــــدیر ؟
بـــوشلایین عاشقلری اؤزعالمینده سیر ائــــــده
قانماسازداقانمایین بــــونالــــــــــه و افغان ندیر؟
ناصری زیندان ایچینده جــــان چوروتدوبیرنفر
باخمادی سلول غمــــده روز و شب نالان ندیر؟
چهارشنبه 1388/06/11
آشیق غافار شعرلری
ائلیمیزین ده یرلی آشیقی تبریزده اولان آشیق غافار ابراهیمی
بوسائین آشیقین یئنی دئییشمه لر کیتابیندا دئدیگی قوشمالارین
دان تقدیم ائیله ییرم بوتون وطنداشلاریمیزه .ساغ اولاییز!
اوره ییم سیخیلیر قلبیم داریخیر
سنی توش گلنده یامانا بشـــــــر
طبیعتین گؤزه للیگی سن اولدون
بس نده ن اینجیدیر زامانا بشــر
.......
یارادان یاراتدی سن یارادان سان
ظلماتا یول آچان سن یارادان سان
قلبینده ن کئچه نی سن یارادان سان
ده یمز سن یئل آتان سامانا بشـــر
..........
چرخین گردیشینه نظام قورورسان
علم ایله چالیشیب نظمه وورورسان
نورچیله ییب قارانلیغی یورور سان
چاتیر سان حق ایله ایمانا بشــــــــر
...........
الینده موم اولدو بوتون کاینات
سن ایله باشلاندی گؤزه للیک حیات
دولاندین یئرگؤیو ائیله دین اثبات
هریاندان گتیرد ین نشانا بشــر
.............
آنادان دوغولوب سوزه دیل آچدین
گؤزون ساتاشاندا گؤزه دیل آچدین
یازیق غافار هر واقت دؤزه دیل آچدین
قصدین اولدو بلکه اویانا بشـــچهارشنبه 1388/06/11
شاه اسماعیل خطائی
شاه اسماعیل (خطایی)-ادبی شخصیتی وشعرلری
شاه اسماعیلین دینی وسیاسی شخصییتیند ن داها آرتیق تاثیرلی
اولان یؤنو ادبی شخصیتی دیر.اوبیرطرفد ن صوفیزم دوشونجه
سی نین،بیرطرف دن شیعه چیلیک لیریزمی،بیرطرف دن اسلام
عرفانی وبیرطرف دن ده ایران مدنی ارثی نین تاثیری آلتیندا قالاراق
مکمل بیر ادبی شخصیت کیمی چیخیش ائتمیشدیر.
آرديني اوخويون
