شنبه 1388/04/06
ظارافات
گئچن زامانلار بیزیم بولگه لرده نئجه ظرافات لار واریمیش!
کیشی : آرواد دور شامی گه تیر ایندی غم غوصصا گلی بیزی تاپی
آرواد: کیشی نه دی تله سیرن نه غم غوصصا بیزی یاخالاجک؟
کیشی :یادیندا گئچن ایل مشه قوربان عمی نین اششکی دوغدوآمما بیر قولاغی یؤخودور؟
آرواد: کیشی دلی دانیشما! مشه قوربان اششکی بیر قولاخ دوغوب بیزه نه وار ؟
کیشی :آروادهر نه اولاندان سورا قونشودور!قونشو ،قونشویا ایشی دوشه ر،قونشو غوصصاسی ،قونشونون دور،
سحر قؤدوخ اولار اششک !من مشه قوربان عمی دن آلیب آپاررام دگیرمانا
.دگیرماندان قه یی دن باش اششک بات سا پالچیقا قولاخ یؤخودور کی یاپیشام چه کم
پالچیخ دان چیخادام! اولاجک بیر بویوک غوصصا!
اوناگوره دئییرم تئز شامی گه تیر
غم غوصصا گلیب بیزی تاپماسین.
پنجشنبه 1388/04/04
آشیق قافار ابراهیمی
اولو تانری نین آدی ایله
سسی اوجا داغلاردان آشیب گلن،وائللریمیزه ایفتیخار یارادان آشیقلاریمیزین بیری ده
آذربایجانین گوزل شهری تبریزده اولان !
آشیق قافار ابراهیمی دیر.نئجه کی
سایین یازیچیمیز بهروز ایمانی بئی بویور کی: اودا آشیقین وطنه اولان محبتیندن،
آرديني اوخويون
دوشنبه 1388/04/01
شاعیر صمد مورادی
اولو تانری نین آدی ایله
گلین شاعیریمیزین سؤزلریندن قاباق ،اؤزایله تانیش اولاق!
صمد تخللوصو ایله تانینان شاعیر صمد-مورادی 1330 -نجی ایلده
بؤستان آوا شهرینین جانبهان کندینده دونیایا گلمیشدیر.ایلک مکتب
تحصیلینی کندده اؤخوموش،سونرا تهراندا ایشلمه یه گله رک اؤرتا
مکتب تحصیلی آلماغادا باشلامیشدیر.اؤبعضی سببلره گوره دیپلم آلار
آلمازاؤخولدان الچکمیشسه ده،همین ایللرده باشلادیغی شعر صنعتی نی
وارگوجایله داوام ائتمیشدیر اؤنون ایککی کیتابی (آغلار- گولر) وبیرده
تورشا - شیرین .تبریز،اردبیل ،اورمو،زنجان، تهران، قوم،باکی وباشقا
یئرلرده بوراخیلان نشریه لرده بیر چؤخ شعر پارچالاری چاپ اولموشدور
ایندی آشاقیدا یازیلان غزل بو حؤرمتلی ائل شاعیرین دیر.
تانریدان بو سایین شاعیریمیزه اوزون عؤمور وجان ساغلیغی دیله ییرم
دولاندیر مجلیسی ساقی،اؤجامی گلمیشم جانـــــــه
وئر اوکؤهنه شرابیندن ایچیم پیمانه - پیمانــــــــه
اؤ می دن وئرکی مست ائتسین ،اورکدن غملریم گئتسین
ویا ائتسین مئی مجنون ،قاچیم دشت ؤ بیابانـــــــــــــه
اؤزون اینسان سانانلارین چؤخوندان قاچماییم ، نئیلیم ؟
مؤحبت اؤلدوسرگردان ،صیداقت دوشـــــــدو زیندانه
دییانــــــــت یؤخدو زاهد ده ،عبادت یؤخدو عابید ده
آچان موشگیللری پولدور ،باخان یؤخ دینــــــه -ایمانه
بــــو نامرد دونیاسیندا چؤخ حقیقت آردیجا گـــــــــزمه
هئچ عاقیل اعتیبار ائتمز نـــه گبره ،نه موسلمانــــــــــه
سؤرور مظلوملارین قانــــــین نــــــدن ظالیملر ای ساقی ؟
یامان بیر دؤورانا چاتدیق،گله لعنت بو دؤورانـــــــــــه
منی چیوریتدی مؤسلمله نصاراد یـــــــــــــرؤمسجید دن
اؤدورکی مسکنیم ایندی اؤلوبدور کؤنج - میخانــــــــــه
دیانت اهلی عالمده یؤلوندان چیخماسا حتــــــــــــــــــــما -
ملکلر صف چکیب ســـــجده ائـــــدرلر ائیله اینسا نــه
(صـــــمد) صادق سن عشقینده،ال اوز دار ؤنـــــــداریندن
وصالین ائتسین حق آسان ،الین چاتسین اؤ جــــــــــــانانه
پنجشنبه 1388/03/21
دئییشمه (اولدوز) و تیلیم خانلی
حؤرمتلی دوکتور حسین فیض اللهی وحید
شئعیرده (اولدوز) تخلص ائدن شاعیر ویازیچینین آدی حسین وسوی آدی فیض اللهی وحیددیر
گونش ایلی 1331-نجی ایلده تبریز شهری نین چرانداب محلله سینده (طالقانی خیاوانیندا)
آنادان اولدو.اونون آتاسی رحمتلی آشیق علی ،ائلیمیزین اؤنملی وگؤرکملی آشیقلاریندان
بیریسی ایدی.
آرديني اوخويون
چهارشنبه 1388/03/20
عشقین داشین آتمارام
ساوانین مرغئی لی دده تیلیم خان مهری خانیمی گؤروب شئعر ائیله دئییر اؤلدورسه لر
عشقین داشین آتمارام:
عــــــاریضــــین لالــــــــــــه ی تــــــــــــــر دیـــــــر
گــــول- ارغـــــــــــــــــوانی واردیــــــــــــــــــــــــــر
قــــــــــــددیـــن طــــــــوبی یــــا عــــــر عـــــر دیــــر
شـــــــــؤکتـــــــــــی وار شـــــــــانی واردیـــــــــــــــر
"""""""""
بیلمـــــــــــه نـــم نـــه خـییـــــــــــــــــال دادیـــــــــــر
شمــــــــــــــس ؤ قمـــــــــــــــــره دالدادیـــــــــــــــــر
زولفـــــــــــــــــــــلارین شــب - یــــــــلدادیــــــــــــــر
آچـــــــــــــــــیلاندا دانـــــــــــــــــــی واردیــــــــــــــر
"""""""
هـــــــر باغچــــــــــا صــافـــــــالــی اولمـــــــــــــاز
هــــــــــــــــر گوزل وفــــــــــــالی اولمــــــــــــــــاز
کملــــــــــــــر ایضــافــالــــــی اولمـــــــــــــــــــــــاز
یـــــــــــاقچـــــــوســـو یـــامــــــانِِِِِِِِِِِِِِِِِِِِـــــــی واردیــــــــر
"""""""
بـــــــــــــو عـــجــب فــعـــل ؤ فــــــا عـیــــــــــلدیـــر
هـــــــــــرکیــــــم یـــــــــآریـــــنا قـــائـــــــــــلدیــــــر
پـــــــــــــــروانــــــا شـــمعـــه مـــــــاییــــــلدیـــــــــر
بـــــــــــولبـــــول گــــولوستـــــــــــانی واردیـــــــــــــر
"""""""
اولفـتیــــــن هــــــــــــر کیمـــــــــــه قـــاتــــــمـــــاز
دوغــــــــــــــرودور تمللق ائتــــــــــــــــــــــــــــــــمز
تیلیـــــــــــم عشقین داشیــــــــــــن آتـــــــــــــمـــــاز
هـــــــــــر نئچـــــــــــه کی جــــــــــانی واردیــــــــــــر
یکشنبه 1388/03/17
یؤلونوز گؤزله یی رم
سالاملار درین حؤرمت وسایغی لار!
Tags:
شنبه 1388/03/16
رحمتلی عاشیق شمشیردن بیر شئعر
اؤ کیمدی دوستوندان یــاد اولوب ایندی؟
ترَقی وار،تنـزل دان قـــــور خمـــــــــو رام
نا نـــــجیب افسانه شــــــاد اولوب ایندی
یــــــاتان اؤلمز، یئـتن اؤلـــــــر، میثـــــالدی
او آلـــــچاق نادانین عقلـــــی آزالـــــــــــدی،
جاهان مــــولکی آخیر گؤر کیمــه قــــالدی،
خائنه نـــــه شــــــــــیرین داد اولوب اینـــدی،
شمشیر پیس اوره ک ده بورغو ائشــــــــــیلر،
دوشمان قلبی شان- شان اولوب دئشــــــیلر
قؤنشو وارکی ایستر حــــــــــــلال کیشی لــر،
اینسان حلالـــــیقلا آد آلیب اینــــــــــــــــــدی.
سه شنبه 1388/03/12
ائل بایاتیلاری
شه سه ون بولگه سینین ائل بایاتیلاریندان
آغـــاج دا پیـــــسته منــــــــــــــم
دی بیـــنده خستــــــــــه منــــــــم
قـبریمــی یــــاریم غـــــاز ســــــا
جــا وانــام چــــــــــورومنــــــــــم
..................
پـــنـــجره ده قــوش منــــــــــــــــم
کیش دئســــــه لــر اوچ منــــــــــم
چــایـــــی دؤلوب فینجــــــانـــــــــــا
یـــــار ایچمه ســـــــه ایــــچ منـــــم
...............
پــــنجـره ده قـــوش یـــا تـــــــــو ب
دوم دوک دوم دوگــــه چـــــاتــــــوب
اورک ســــــــــــــــنی داََََش اولا ی
یـــــــار اوطاق دا تــک یـــاتــــــوب
..............
آی قیــــز آدوی مســــــــــــــــی دی
سه سیی بولبــــول سه ســــــــی دی
سینه ی ده کـــــــــــی اؤونــــــارلار
بهیشتـــــــــین میـــــوه ســــــــی دی
.............
قا شـــــوی قـارال دار منـــــــــــــی
ائــــــلدن آرال دار منـــــــــــــــــــی
ســـــن سیــز نـئجــه یـــا تـــــــا رام
د وشـــــک یـــــــا رال دار منـــی
شنبه 1388/03/09
غم سینمه قالاندی
عاشیق اولدوم غـــــــــــــم سینه مـــــــــــه قالاندی
حیاتومــــــــون گولــــــــو سولــــــــدو تـــــــالانــــدی
می خانایــــــــا گئد دیـــــــــم ایچـــــم مست اولا م
ســـــــــاغر منه یئتیشنجـــــــــــه جــــــــــالانـــــدی
دوشنبه 1388/03/04
تشککور
تانری آدیلا
عاشیق گزهر ائله باغلی
(حکیم تیلیمخان)
عاشیق ائلدهن، ائل عاشیقدان آیریلماز. عاشیق ائلدن بالیق سودان آیریلماز، ائل عاشیغین دنیزیدیر.
خستهلیک گونلریمده تلفون و ایمیل واسیطهسیله حالیمی سوروشان، و وبلاگلاریندا موناسیبت بیلدیرن بوتون یولداشلاردان، ائل ایگیدلریندن، یازارلاریندان تشککور ائدیرم.
عاشیق شادلیغا چالار. هامینیزا شن اورک، و جان ساغلیغی دیلهییرم.
قوم – عاشیق علی رمضانی «گونش»
